وزیراعظم شہباز شریف چند گھنٹوں کے سرکاری دورہ پر سعودی عرب روانہ

اسلام آباد : وزیراعظم محمد شہباز شریف آج چند گھنٹوں کے سرکاری دورے پر سعودی عرب روانہ ہو گئے ہیں۔ یہ دورہ سعودی ولی عہد اور وزیراعظم، شہزادہ محمد بن سلمان کی دعوت پر کیا جا رہا ہے۔

دورے کے دوران وزیراعظم شہباز شریف سعودی قیادت سے ملاقات کریں گے اور دونوں رہنماؤں کے درمیان خطے میں جاری کشیدگی، ایران-اسرائیل جنگ اور علاقائی سیکیورٹی سمیت دوطرفہ تعلقات پر تبادلہ خیال ہوگا۔