سندھ میں صحت کے شعبے میں بہتری کے لیے ٹیکنالوجی اور اخلاقیات دونوں ضروری ہیں : بلاول بھٹو

کراچی: چیئرمین پیپلزپارٹی بلاول بھٹو زرداری نے کہا ہے کہ سندھ حکومت صحت کے شعبے میں بہتری کے لیے بھرپور کام کر رہی ہے۔ انہوں نے ایک تقریب سے خطاب کرتے ہوئے کہا کہ موجودہ چیلنجز سے نمٹنے کے لیے محنت اور عزم کی ضرورت ہے۔

بلاول بھٹو نے کہا کہ ٹیکنالوجی کے ذریعے ٹیلی میڈیسن کے ذریعے علاج ممکن ہو رہا ہے اور مصنوعی ذہانت طب کے شعبے کو بدل رہی ہے۔ تاہم انہوں نے زور دیا کہ اخلاقیات کے بغیر ٹیکنالوجی خطرناک ثابت ہو سکتی ہے۔

چیئرمین پیپلزپارٹی نے مزید کہا کہ پاکستان کو باشعور اور دیانت دار ڈاکٹروں کی ضرورت ہے تاکہ صحت کا شعبہ مؤثر اور عوام دوست بنایا جا سکے۔