لاہور : وزیراعلیٰ پنجاب مریم نواز شریف نے بلوچستان میں جعفر ایکسپریس پر دہشت گردوں کے حملے کے خلاف کامیاب آپریشن پر سکیورٹی فورسز کو خراج تحسین پیش کیا۔ اپنے ایک بیان میں مریم نواز شریف نے کہا کہ حملہ کرنے والے دہشت گرد جہنم واصل ہو گئے ہیں اور وہ عبرت کا نشان بن چکے ہیں۔
انہوں نے مزید کہا کہ بے گناہ مسافروں، معصوم بچوں اور عورتوں کو ڈھال بنانا بزدلی کی بدترین مثال ہے۔ مریم نواز شریف نے دہشت گردوں کے خلاف کامیاب آپریشن پر سکیورٹی فورسز کی کارکردگی کو سراہتے ہوئے کہا کہ ان دہشت گردوں کا خاتمہ پاکستان کی امن کی جانب ایک اہم قدم ہے۔
