ٹرمپ کی چین روانگی: ایران کو ایٹمی ہتھیاروں سے باز رہنے کی آخری وارننگ

واشنگٹن / بیجنگ: امریکی صدر ڈونلڈ ٹرمپ نے چین روانگی سے قبل ایک اہم پریس کانفرنس کرتے ہوئے ایران کے حوالے سے انتہائی سخت موقف اختیار کیا ہے اور دوٹوک الفاظ میں واضح کیا ہے کہ ایران کو ایٹمی ہتھیار حاصل کرنے کی اجازت نہیں دی جائے گی۔
صدر ٹرمپ نے ایران کو سخت لہجے میں تنبیہ کرتے ہوئے کہا  ایران ایٹمی ہتھیار حاصل کرنے کی کوشش نہ کرے، ورنہ ہم اپنا کام مکمل کریں گے۔ انہوں نے مزید کہا کہ ایران پر سخت تجارتی ناکہ بندی برقرار رہے گی، تاہم انہوں نے اس خواہش کا اظہار بھی کیا کہ وہ ایران کے ساتھ ایک 'اچھی ڈیل' کرنے کے لیے تیار ہیں، بشرطیکہ وہ ایٹمی عزائم ترک کر دے۔
اپنے دورہ چین کے حوالے سے گفتگو کرتے ہوئے امریکی صدر کا کہنا تھا کہ اس دورے کے انتہائی مثبت نتائج سامنے آئیں گے۔ انہوں نے امید ظاہر کی کہ چین کے ساتھ تجارتی اور سفارتی معاملات میں اہم پیش رفت ہوگی، جس سے عالمی معیشت پر اچھے اثرات مرتب ہوں گے۔ایک بار پھر اپنے روایتی انداز میں صدر ٹرمپ نے وزیراعظم اور فیلڈ مارشل (متعلقہ قیادت) کی صلاحیتوں کو سراہا۔ انہوں نے دونوں رہنماؤں کی کارکردگی کی تعریف کرتے ہوئے انہیں مضبوط اور بااثر قیادت قرار دیا۔