صدر آصف علی زرداری بحرین کے چار روزہ سرکاری دورے پر منامہ پہنچ گئے

منامہ :صدر آصف علی زرداری بحرین کے چار روزہ سرکاری دورے کے لیے منامہ پہنچ گئے ہیں۔ ان کا استقبال بحرین نیشنل گارڈ کے کمانڈر شیخ محمد بن عیسیٰ الخلیفہ اور وزیر خارجہ نے کیا۔

صدر مملکت کی بحرین کے فرماں روا شاہ حمد بن عیسیٰ الخلیفہ اور ولی عہد و وزیراعظم شہزادہ سلمان بن حمد الخلیفہ سے ملاقات شیڈول ہے۔ اس دوران صدر زرداری اکنامک ڈویلپمنٹ بورڈ کے صدر دفتر میں استقبالیہ تقریب سے خطاب بھی کریں گے۔