آبنائے ہرمز کی حفاظت ایران کی ذمہ داری ہے: عباس عراقچی

تہران: ایران کے وزیر خارجہ عباس عراقچی نے آبنائے ہرمز سے متعلق امریکی صدر ڈونلڈ ٹرمپ کے بیان پر ردعمل دیتے ہوئے کہا ہے کہ ایران ہمیشہ اس اہم بحری گزرگاہ کا محافظ رہا ہے اور آئندہ بھی اپنی یہ ذمہ داری نبھاتا رہے گا۔

عباس عراقچی نے سماجی رابطے کی ویب سائٹ ایکس پر جاری اپنے بیان میں کہا کہ اگر کوئی ملک آبنائے ہرمز سے گزرنے والے تجارتی جہازوں کی محفوظ اور پُرامن آمدورفت یقینی بناتا ہے تو اسے اس خدمت کا معاوضہ ملنا چاہیے۔

POTUS is absolutely right. Whoever provides secure and safe passage of commercial vessels through the Strait of Hormuz should be compensated for this service.

Iran has always been the GUARDIAN of the Strait and will remain so FOREVER.

20% is of course too much. We will be fair

— Seyed Abbas Araghchi (@araghchi) July 13, 2026

انہوں نے کہا کہ امریکی صدر کی جانب سے تجویز کردہ 20 فیصد فیس بہت زیادہ ہے، تاہم ایران اس معاملے میں متوازن اور منصفانہ مؤقف اختیار کرے گا۔