قومی اسمبلی نے سول سرونٹ ایکٹ میں ترمیم منظور کر لی، افسران کو اثاثے ظاہر کرنے کی پابندی

اسلام آباد : قومی اسمبلی نے آج سول سرونٹ ایکٹ میں ترمیم منظور کر لی ہے، جس کے تحت سول سرونٹ افسران اپنے اور اپنے اہل خانہ کے اثاثوں کی تفصیلات ظاہر کرنے کے پابند ہوں گے۔ اس ترمیم کے بعد سول سرونٹ ایکٹ میں شق 15 اے کا اضافہ کیا گیا ہے، جس میں سول افسران کے اثاثوں کی تفصیلات پبلک کی جانے کی شرط رکھی گئی ہے۔

گریڈ 17 سے 22 تک کے سول افسران اپنے تمام ملکی اور غیر ملکی اثاثے ظاہر کرنے کے پابند ہوں گے۔
افسران کو اپنی اہلیہ اور زیر کفالت بچوں کے ملکی اور غیر ملکی اثاثوں اور قرضوں کی تفصیلات بھی فراہم کرنا ہوں گی۔
یہ تفصیلات ایف بی آر کو فراہم کی جائیں گی اور سول سرونٹ افسران کے اثاثوں کی تفصیلات عوامی سطح پر بھی منظر عام پر آئیں گی۔

یہ ترمیم حکومتی افسران کی مالی معاملات میں شفافیت بڑھانے اور بدعنوانی کو روکنے کے لیے کی گئی ہے۔ اس اقدام کے ذریعے حکومت چاہتی ہے کہ سول سرونٹ اپنے اثاثوں کی تفصیلات مکمل اور درست طریقے سے فراہم کریں، تاکہ کسی بھی قسم کی غیر قانونی سرگرمیوں کو روکا جا سکے۔