پاک بحریہ کے غوطہ خوروں نے ڈوبنے والے دو جوانوں کی لاشیں روہڑی کنال سے نکال لیں

روہڑی : پاک بحریہ کے غوطہ خوروں نے روہڑی کنال خیرپور میں ڈوبنے والے نوجوانوں میں سے دو کی لاشیں تلاش کر کے نکال لیں۔

ترجمان پاک بحریہ کی جانب سے 5 افراد پر مشتمل ڈائیونگ ٹیم نے آپریشن کیا ، ڈائیونگ ٹیم نے ڈوبنے والے لڑکوں کی لاشیں 6 گھنٹے کے آپریشن کے بعد نکالیں ۔

ترجمان پاک بحریہ نے ڈوبنے والے لڑکوں کی تلاش میں معاونت اسسٹنٹ کمشنر خیرپور کی درخواست پر فراہم کی ، گزشتہ روزعید کے موقع پر تفریح کی غرض سے آنے والے نوجوان روہڑی کینال میں ڈوب گئے تھے ، ڈائیو نگ آپریشن کل دوبارہ کیا جائے گا۔