پی ایس ایل10:کوئٹہ گلیڈی ایٹرز کی ملتان سلطانز کو2 وکٹوں سے شکست

راولپنڈی: پاکستان سپر لیگ (پی ایس ایل) سیزن 10 کے ایک سنسنی خیز مقابلے میں کوئٹہ گلیڈی ایٹرز نے ملتان سلطانز کو 2 وکٹوں سے شکست دے دی۔ کوئٹہ نے 186 رنز کا ہدف آخری گیند پر حاصل کر کے پوائنٹس ٹیبل پر 15 پوائنٹس کے ساتھ پہلی پوزیشن سنبھال لی۔

کوئٹہ کی جانب سے حسن نواز نے شاندار بیٹنگ کا مظاہرہ کرتے ہوئے 67 رنز کی ناقابلِ شکست اننگز کھیلی اور ٹیم کو فتح سے ہمکنار کروایا۔ خواجہ نافے نے بھی اہم کردار ادا کرتے ہوئے 51 رنز بنائے۔

اس سے قبل ملتان سلطانز نے ٹاس جیت کر پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 185 رنز بنائے۔ یاسر خان نے 45 رنز کے ساتھ نمایاں بیٹنگ کی، جب کہ طیب طاہر اور شاہد عزیز نے بھی اچھی کارکردگی دکھائی۔

کوئٹہ گلیڈی ایٹرز کے باؤلر عثمان طارق نے شاندار بولنگ کرتے ہوئے 3 وکٹیں حاصل کیں اور ملتان کی بیٹنگ کو دباؤ میں رکھا۔