ملتان میں سیلاب کی تباہ کاری، 36 انچ کی گیس پائپ لائن متاثر، ایم 5 موٹر وے پانچویں روز بند

ملتا ن: ملتان میں جاری شدید سیلابی صورتحال کے باعث 36 انچ قطر کی گیس پائپ لائن متاثر ہو گئی ہے جس کے باعث گیس کی فراہمی متاثر ہوئی، تاہم متوازی پائپ لائنوں سے سپلائی جاری ہے۔ سیلاب نے چناب اور ستلج ندیوں کے کنارے واقع ایم 5 موٹر وے کو بھی بری طرح متاثر کیا ہے، اور جلال پور پیر والا کے مقام پر موٹر وے پانچویں روز بھی بند ہے۔

پانی کے تیز بہاؤ کی وجہ سے مرمت کے کام میں خاصی دشواریاں پیش آ رہی ہیں، اور مزید نقصان سے بچانے کے لیے متاثرہ علاقوں میں پتھر ڈالنے کا کام جاری ہے تاکہ پانی کی تباہ کاری کو روکا جا سکے۔

ملتان کے پولیس چیف (سی پی او) کے مطابق موٹر وے پر مجموعی طور پر پانچ مختلف مقامات سے نقصان پہنچا ہے۔ چناب ندی میں پانی کی سطح میں واضح کمی آئی ہے، جس سے شجاع آباد کے بیشتر علاقوں سے پانی واپس نکل چکا ہے۔ جلال پور پیر والا شہر کو بچانے والے بند پر بھی پانی کی سطح میں کمی دیکھی گئی ہے۔

اسی دوران، بستی دوھوندو کے مقام پر بند میں پیدا شدہ شگاف کو بھرنے کے لیے کام جاری ہے تاکہ سیلاب کے ممکنہ اثرات کو کم کیا جا سکے اور علاقے کو محفوظ بنایا جا سکے۔