لاہور: نجم سیٹھی نے چیئرمین پی سی بی کے عہدے سے استعفیٰ دیدیا ۔نجم سیٹھی نے استعفیٰ وزیر اعظم عمران خان کو بھیج دیا۔
انہوں نے ٹوئٹ کرتے ہوئے کہا کہ استعفیٰ دینے کیلئے نئے وزیراعظم کے حلف اٹھانے کا انتظار کر رہا تھا ۔نجم سیٹھی نے پی سی بی اور پاکستان کرکٹ ٹیم کیلئے نیک خواہشات کا اظہار بھی کیا ۔
I was waiting for the new Prime Minister to take oath before submitting my resignation as PCB Chairman, which I have done today. I wish PCB all the best and hope our cricket team goes from strength to strength. Eid Mubarak. Pakistan Zindabad. pic.twitter.com/uiIVoiRAtq
— Najam Sethi (@najamsethi) August 20, 2018
نجم سیٹھی نے اپنا استعفیٰ سوشل میڈیا کی ویب سائٹ ٹوئٹر ہینڈل پر دیا ۔ جس میں انہوں نے پاکستانیوں کو عید کی مبارکباد بھی دی ۔
نجم سیٹھی نے سماجی رابطوں کی ویب سائٹ ٹوئٹر پر اپنے استعفے کی ایک نقل شیئر کرتے ہوئے کہا کہ میں اپنا استعفیٰ دینے سے قبل وزیر اعظم کے حلف لینے کا انتظار کر رہا تھا۔نجم سیٹھی نے عمران خان کو بھیجے گئے اپنے استعفے میں لکھا کہ مجھے اگست 2017 میں بورڈ آف گورنرز کے دس اراکین نے بالاتفاق 3سال کے لیے چیئرمین پی سی بی منتخب کیا تھا۔
انہوں نے وزیر اعظم پاکستان عمران خان کو مخاطب کرتے ہوئے کہا کہ آپ متعدد مواقعوں پر کہہ چکے ہیں پاکستان کرکٹ کے لیے آپ کا ایک مقصد ہے لہٰذا یہ بہتر ہو گا کہ آپ یہ عہدہ سنبھالیں اور ایسی مینجمنٹ کو یہ ذمے داری سونپیں جسے آپ کا مکمل اعتماد اور بھروسہ حاصل ہو۔