بچوں کی حالت دیکھ کر ابھی تک سکتے میں ہوں:وزیراعظم عمرا ن خان

اہم خبریں پاکستان 
 
بچوں کی حالت دیکھ کر ابھی تک سکتے میں ہوں:وزیراعظم عمرا ن خان
کیپشن: تصویر بشکریہ ٹوئٹر

اسلام آباد:ساہیوال واقعہ پر وزیراعظم عمران خان نے اپنے پیغام میں کہاہے کہ بچوں کی حالت دیکھ کر ابھی تک سکتے میں ہوں ۔

تفصیلات کے مطابق گزشتہ روز ساہیوال واقعہ پر وزیراعظم عمران خان نے سخت افسوس اور دکھ کا اظہار کرتے ہوئے سماجی رابطے کی ویب سائٹ ٹوئٹر پر پیغام جاری کیا جس میں انہوں نے کہا کہ بچوں کی حالت دیکھ کر ابھی تک سکتے میں ہوں،بچوں نے والدین کو آنکھوں کے سامنے گولیوں کا نشانہ بنتے دیکھا،واقعہ ہر والدین کیلئے صدمے کا باعث ہے۔

پی پی چیئرمین بلاول اور آصفہ بھٹو کے تمام اثاثے الیکشن کمیشن اور  ایف بی آر میں ڈکلیئر ہیں:پیپلز پارٹی کی اثاثوں سے متعلق وضاحت

وزیراعظم کا مزید کہنا تھا کہ بچوں نے والدین کو آنکھوں کے سامنے گولیوں کا نشانہ بنتے دیکھا۔صدمے دو چار بچوں کی حالت کیا ہوگی؟بچے اب ریاست کی ذمہ داری ہیں ، ریاست ان کی مکمل دیکھ بھال کرے گی ۔

انہوں نے کہا کہ اگرچہ سی ٹی ڈی نے دہشت گردی کے خلاف بہترین کام کیا ، لیکن کوئی بھی قانون سے بالاتر نہیں ،جے آئی ٹی رپورٹ پر فوری کارروائی کی جائے گی،جیسے ہی جے آئی ٹی کی رپورٹ آئے گی ذمہ داران کے خلاف فوراً ایکشن لیا جائے گا جبکہ اپنے تمام شہریوں کی حفاظت حکومت کی ترجیح ہے ۔