میانوالی: پنجاب پولیس اور محکمہ انسداد دہشتگردی (سی ٹی ڈی) نے مکڑوال میں دہشت گردوں کے خلاف کامیاب آپریشن کیا، جس میں 10 سے زائد خوارجی دہشت گرد مارے گئے۔ آپریشن کے دوران کئی دہشت گردوں کے زخمی ہونے کی اطلاعات بھی موصول ہوئی ہیں۔
پولیس کے ترجمان کے مطابق، دہشت گردوں کی فائرنگ سے ایک مقامی شخص زخمی ہوا جسے فوری طور پر اسپتال منتقل کر دیا گیا۔۔
آر پی او سرگودھا اور ڈی پی او میانوالی اس آپریشن کی قیادت کر رہے ہیں، اور پولیس کے تمام افسران و اہلکار مکمل طور پر محفوظ ہیں۔ اس کے علاوہ، آئی جی پنجاب عثمان انور نے میانوالی پولیس کی اس کامیاب کارروائی پر ان کی تعریف کرتے ہوئے کہا کہ دہشت گردوں کے ناپاک عزائم کو شکست دینے کے لیے پولیس ہر وقت الرٹ ہے۔
