پہلگام فالس فلیگ آپریشن کا ایک سال مکمل: بھارت ثبوت دینے میں ناکام، مکار چہرہ بے نقاب

اسلام آباد: پہلگام میں بھارتی 'فالس فلیگ آپریشن' کو ایک سال مکمل ہونے پر مودی سرکار کی عالمی سطح پر سبکی ہوئی ہے۔ ایک سال گزرنے کے باوجود بھارت اپنے الزامات کے حق میں کوئی بھی ٹھوس ثبوت یا شواہد پیش کرنے میں بری طرح ناکام رہا ہے، جس سے اس آپریشن کے خود ساختہ ہونے کی حقیقت کھل کر سامنے آگئی ہے۔
وفاقی وزیر اطلاعات و نشریات عطا اللہ تارڑ نے اس موقع پر بھارتی ہتھکنڈوں کی شدید مذمت کرتے ہوئے کہا کہ بھارتی فالس فلیگ آپریشنز کی ایک طویل تاریخ ہے۔ انہوں نے کہا کہ     جھوٹی انا اور تکبر: بھارت کی تمام تر پالیسیاں سچائی کے بجائے جھوٹی انا اور تکبر پر مبنی ہیں۔
 دہشت گردی بھارت کا اندرونی معاملہ ہے، لیکن وہ اپنی ناکامیوں کو چھپانے کے لیے اسے بیرونی رنگ دے کر پیش کرنے کی مذموم کوشش کرتا ہے۔
 کشمیر ایک عالمی سطح پر تسلیم شدہ بین الاقوامی مسئلہ ہے، مگر بھارت اپنی ہٹ دھرمی کی وجہ سے اسے داخلی معاملہ قرار دے کر دنیا کی آنکھوں میں دھول جھونکنے کی کوشش کر رہا ہے۔
رپورٹ کے مطابق پہلگام واقعہ کے ایک سال بعد بھی بھارت کی جانب سے شواہد کی عدم فراہمی نے عالمی برادری کے سامنے نئی دہلی کے مکر و فریب کو واضح کر دیا ہے۔ وفاقی وزیر نے زور دیا کہ بھارت کو اب اپنی اندرونی سیاست کے لیے خطے کے امن کو داؤ پر لگانا بند کر دینا چاہیے۔