جنوبی افریقہ اور سہ ملکی سیریز کے لیے پاکستان کے وائٹ بال سکواڈز کا اعلان

لاہور :پاکستان کرکٹ بورڈ (پی سی بی) نے جنوبی افریقہ اور سہ ملکی سیریز کے لیے قومی وائٹ بال سکواڈز کا اعلان کر دیا ہے، جس میں بابر اعظم اور نسیم شاہ کی ٹی 20 ٹیم میں واپسی ہوئی ہے۔

پی سی بی کے مطابق، ٹی 20 انٹرنیشنل سیریز کے لیے 15 رکنی سکواڈ اور ون ڈے سیریز کے لیے 16 رکنی سکواڈ کا انتخاب کیا گیا ہے۔ پاکستان اور جنوبی افریقہ کے درمیان ٹی 20 انٹرنیشنل سیریز 28 اکتوبر سے یکم نومبر تک کھیلی جائے گی، جبکہ جنوبی افریقہ کے خلاف ون ڈے سیریز فیصل آباد میں 4 سے 8 نومبر تک ہوگی۔

اس کے بعد، سری لنکا اور زمبابوے کے ساتھ سہ ملکی سیریز 17 سے 29 نومبر تک راولپنڈی اور لاہور میں کھیلی جائے گی۔ اس کے بعد پاکستان اور سری لنکا کے درمیان ون ڈے انٹرنیشنل سیریز 11 سے 15 نومبر تک راولپنڈی کرکٹ سٹیڈیم میں کھیلا جائے گا۔

عثمان طارق کو پہلی بار ٹی 20 انٹرنیشنل سکواڈ میں شامل کیا گیا ہے۔ بابر اعظم، عبد الصمد اور نسیم شاہ کی ٹی 20 ٹیم میں واپسی ہوئی ہے، جبکہ فیصل اکرم، حارث رؤف اور حسیب اللہ ون ڈے سکواڈ میں واپس آئے ہیں۔

پاکستان کرکٹ بورڈ کے مطابق، سلمان علی آغا ٹی 20 انٹرنیشنل سکواڈ کی قیادت کریں گے، جبکہ شاہین شاہ آفریدی ون ڈے انٹرنیشنل ٹیم کے کپتان ہوں گے۔

ٹی 20 انٹرنیشنل سکواڈ

سلمان علی آغا (کپتان)
عبد الصمد
ابرار احمد
بابر اعظم
فہیم اشرف
حسن نواز
محمد نواز
محمد وسیم جونیئر
سلمان مرزا
نسیم شاہ
صاحبزادہ فرحان (وکٹ کیپر)
صائم ایوب
شاہین شاہ آفریدی
عثمان خان (وکٹ کیپر)
عثمان طارق
ون ڈے انٹرنیشنل سکواڈ:

شاہین شاہ آفریدی (کپتان)
ابرار احمد
بابر اعظم
فہیم اشرف
فیصل اکرم
فخر زمان
حارث رؤف
حسیب اللہ
حسن نواز
حسین طلعت
محمد نواز
محمد رضوان (وکٹ کیپر)
محمد وسیم جونیئر
نسیم شاہ
صائم ایوب
سلمان علی آغا
یہ سکواڈز پاکستان کرکٹ کی نئی حکمت عملی اور عالمی سطح پر اپنی پوزیشن کو مستحکم کرنے کے لیے اہم قدم ثابت ہوں گے۔