امریکا اور ایران میں 24 گھنٹوں میں تاریخی امن معاہدہ متوقع، فیلڈ مارشل عاصم منیر کا کردار کلیدی قرار؛امریکی میڈیا کا سنسنی خیز دعویٰ

واشنگٹن / تہران: بین الاقوامی ذرائع ابلاغ نے دعویٰ کیا ہے کہ امریکا اور ایران کے درمیان جاری شدید کشیدگی کے خاتمے کے لیے اگلے 24 گھنٹوں کے دوران ایک تاریخی امن معاہدے کا اعلان متوقع ہے۔

امریکی اخبار "واشنگٹن ٹائمز" کی رپورٹ کے مطابق، دونوں ممالک کے مابین جنگ بندی کی تجاویز پر مکمل اتفاق ہو چکا ہے اور مجوزہ امن معاہدے کا حتمی مسودہ واشنگٹن اور تہران کی قیادت کو بھیج دیا گیا ہے۔ سفارتی ذرائع کا کہنا ہے کہ اگر یہ معاہدہ کامیابی سے طے پا جاتا ہے تو گزشتہ چھ ہفتوں سے جاری عارضی جنگ بندی مستقل امن شراکت داری کی شکل اختیار کر لے گی۔
 دوسری جانب، معتبر امریکی اخبار "نیو یارک ٹائمز" نے اپنی رپورٹ میں انکشاف کیا ہے کہ تہران اور واشنگٹن کے مابین اس تاریخی مفاہمت کی راہ ہموار کرنے میں پاکستان کے فیلڈ مارشل سید عاصم منیر نے انتہائی کلیدی اور مرکزی کردار ادا کیا ہے۔ رپورٹ کے مطابق، فیلڈ مارشل عاصم منیر کا حالیہ دورہ ایران اعلیٰ سطح کی وہ کامیاب سفارت کاری تھی جس نے دونوں حریف ممالک کے درمیان موجود ڈیڈ لاک کو ختم کرنے میں حتمی بریک تھرو فراہم کیا۔

اس ممکنہ امن معاہدے کو عالمی سیاست اور مشرقِ وسطیٰ کے استحکام کے لیے ایک تاریخی موڑ قرار دیا جا رہا ہے، جس س