بانی پی ٹی آئی نے علی امین گنڈاپور سے  پارٹی کی  صوبائی صدارت واپس لے لی، جنید اکبر کو نیا صدر مقرر کردیا

پشاور:پاکستان تحریک انصاف  کے بانی عمران خان نے پارٹی کی صوبائی صدارت سے وزیراعلیٰ خیبرپختونخوا علی امین گنڈاپور کو ہٹا دیا ہے۔

ذرائع کے مطابق، عمران خان نے جنید اکبر کو تحریک انصاف خیبرپختونخوا کا نیا صدر مقرر کیا ہے۔ اس حوالے سے سلمان اکرم راجہ کو جنید اکبر کی تقرری کا نوٹیفکیشن جاری کرنے کی ہدایت دی گئی ہے۔

جنید اکبر آج عمران خان سے ملاقات کرنے والے اہم افراد میں شامل ہیں، اور ان کی تقرری کے بعد خیبرپختونخوا میں پارٹی کی قیادت میں نئی تبدیلیاں متوقع ہیں۔