ٹی 20 ورلڈ کپ میں شرکت یا بائیکاٹ؟ فیصلہ پیر کو ہوگا، چیئرمین پی سی بی محسن نقوی کا اہم اعلان

اسلام آباد: پاکستان کرکٹ بورڈ (پی سی بی) کے چیئرمین محسن نقوی نے کہا ہے کہ پاکستان کی ٹی 20 ورلڈ کپ میں شرکت کے حوالے سے حتمی فیصلہ پیر کے روز کیا جائے گا۔ یہ اہم پیش رفت وزیراعظم شہباز شریف اور چیئرمین پی سی بی کے درمیان ہونے والی ایک اعلیٰ سطح کی ملاقات کے بعد سامنے آئی ہے۔

 محسن نقوی نے سوشل میڈیا پر اپنے ایک بیان میں بتایا کہ وزیراعظم کے ساتھ آئی سی سی (ICC) کے معاملات پر ہونے والی ملاقات انتہائی "نتیجہ خیز" رہی۔    ملاقات کے دوران وزیراعظم کو آئی سی سی کے حالیہ موقف اور پاکستان کے تحفظات پر تفصیلی بریفنگ دی گئی۔
    وزیراعظم نے پی سی بی کو ہدایت کی ہے کہ قومی مفاد کو مقدم رکھتے ہوئے "تمام آپشنز میز پر رکھیں" اور اس مسئلے کا حل تلاش کریں۔ذرائع کا کہنا ہے کہ پی سی بی پیر تک تمام قانونی اور کرکٹنگ پہلوؤں کا جائزہ لے گا، جس کے بعد باقاعدہ اعلان کیا جائے گا کہ ٹیم ورلڈ کپ کے لیے روانہ ہوگی یا نہیں۔