پی پی پی سینیٹر سرمد علی کا ششی تھرور کے بیان پر شدید رد عمل ، "بھارت نے جنگ نہیں چھیڑی" کا دعویٰ مسترد

واشنگٹن: پاکستان پیپلز پارٹی کے سینیٹر سرمد علی  نے  بھارتی رہنما ششی تھرور کے حالیہ بیان کو گمراہ کن قرار دیتے ہوئے شدید تنقید کا نشانہ بنایا ہے۔  انہوں نےایکس کی سوشل میڈیا پوسٹ پر شدید رد عمل دیا ہے۔
واضح  رہے کہ گذشتہ روزششی تھرور نے میڈیا کو دیے گئے بیان میں کہا تھا کہ بھارت نے کبھی پاکستان کے خلاف جنگ کا ارادہ نہیں رکھا، بلکہ صرف دہشتگردی کے خلاف کارروائی کی۔ اس بیان پر ردِ عمل میں کہا گیا ہے کہ یہ ایک جھوٹا بیانیہ ہے جسے ششی تھرور کی فصاحت بیچنے کی کوشش کر رہی ہے۔
پی پی پی کے سینیٹر سرمد علی کا مزید کہنا تھاکہ  بھارت نے خود تنازع کا آغاز کیا اور شہریوں کو نشانہ بنایا، خاص طور پر پہلگام واقعے کے بعد، جس کے بارے میں کوئی معتبر شواہد بھی پیش نہیں کیے گئے۔ اس قسم کے بیانات زمینی حقائق سے انحراف کرتے ہیں اور بین الاقوامی رائے عامہ کو گمراہ کرنے کی کوشش کے مترادف ہیں۔

Amazed by @ShashiTharoor’s comments in the US: India didn't intend war with Pakistan and was merely countering terrorism. What nonsense. India initiated conflict by targeting civilians and provided no credible evidence after #Pahalgam. Your eloquence can’t sell a fake narrative pic.twitter.com/lLr8ZdSc4G

— Sarmad Ali (@sarmadaali1) May 26, 2025