وزیراعلیٰ پنجاب کی میانوالی کے اراکینِ اسمبلی سے ملاقات: ترقیاتی منصوبوں اور عوامی ریلیف پر اہم گفتگو

لاہور : وزیراعلیٰ پنجاب مریم نواز شریف سے میانوالی کے اراکینِ قومی و صوبائی اسمبلی کے وفد نے اہم ملاقات کی۔ ملاقات میں ضلع میانوالی کی ترقی، امن و امان کی صورتحال اور پنجاب بھر میں جاری فلاحی منصوبوں پر تفصیلی تبادلہ خیال کیا گیا۔ ملاقات کرنے والے وفد میں علی حیدر نور خان، عبید اللہ خان شاد خیل، امانت اللہ خان شاد خیل، عدیل عبداللہ خان رخڑی، ملک فیروز جوئیہ اور ملک سجاد خان بھچڑ شامل تھے۔ اراکینِ اسمبلی نے وزیراعلیٰ مریم نواز شریف کے درج ذیل اقدامات کو بھرپور سراہا۔ آئمہ مساجد کے لیے اعزازیہ کارڈ کے اجراء پر خراجِ تحسین پیش کیا۔صوبے کے تمام سرکاری ہسپتالوں میں مفت ادویات کی فراہمی کو عوامی خدمت کی بہترین مثال قرار دیا۔
میانوالی میں پہلی پبلک ٹرانسپورٹ "الیکٹرو بس" کے تحفے پر شکریہ ادا کرتے ہوئے اسے شہریوں کے لیے ایک معجزہ قرار دیا۔وزیراعلیٰ پنجاب نے وفد سے گفتگو کرتے ہوئے کہا کہ ان کی حکومت کی ترجیح پسماندہ اضلاع کی ترقی ہے۔ ان کے کلیدی نکات درج ذیل تھے۔ اس سنٹر سے میانوالی کے امراضِ قلب کے مریض بھی مستفید ہوں گے، جس سے دور دراز علاقوں کا سفر کم ہو جائے گا۔