AI چیٹ بوٹس کے استعمال میں احتیاطی تدابیر لازمی، ماہرین کا پیغام

ؐکیلیفورنیا: حالیہ تحقیق میں انکشاف ہوا ہے کہ مصنوعی ذہانت (AI) پر مبنی چیٹ بوٹس صارفین کی دی گئی ہدایات پر درست طریقے سے عمل کرنے میں پہلے کی نسبت کم مؤثر ہو رہے ہیں۔

مطالعے کے مطابق، یہ جدید چیٹ بوٹس، جو معلومات فراہم کرنے اور مختلف امور میں رہنمائی کے لیے استعمال ہوتے ہیں، بعض اوقات صارفین کی ہدایات کو مکمل طور پر فالو نہیں کرتے یا جزوی طور پر عمل کرتے ہیں۔

یہ مسئلہ خاص طور پر ان ہدایات کے معاملے میں زیادہ نمایاں ہوتا ہے جو پیچیدہ ہوں یا جن میں متعدد مراحل شامل ہوں۔

ماہرین کا کہنا ہے کہ اس رجحان سے AI سسٹمز کی عملی افادیت پر اثر پڑ سکتا ہے، خصوصاً ایسے شعبوں میں جہاں درست اور فوری رہنمائی انتہائی اہمیت رکھتی ہے، جیسے صحت، تعلیم اور فیصلہ سازی کے معاملات۔

تحقیق میں یہ بھی بتایا گیا ہے کہ AI چیٹ بوٹس کے بڑھتے ہوئے استعمال کے ساتھ ساتھ غلط رہنمائی، غیر متوقع جوابات اور ہدایات سے انحراف کے مسائل میں اضافہ ہو رہا ہے، جس کے پیش نظر بہتر نگرانی، معیار میں بہتری اور مؤثر کنٹرول میکانزم کی ضرورت بڑھ گئی ہے۔