وزیراعلیٰ پنجاب مریم نواز کی سرجری مکمل، شریف میڈیکل سٹی ہسپتال سے گھر منتقل

لاہور : وزیراعلیٰ پنجاب مریم نواز شریف کی شریف میڈیکل سٹی ہسپتال میں میجر سرجری کامیابی سے مکمل ہو گئی ہے، جس کے بعد وہ بحفاظت اپنی رہائش گاہ منتقل ہو گئی ہیں۔

سینئر صوبائی وزیر مریم اورنگزیب نے سماجی رابطوں کے پلیٹ فارم 'ایکس'  پر جاری اپنے ایک بیان میں وزیراعلیٰ پنجاب کی میجر سرجری کی تصدیق کی ہے۔ انہوں نے بتایا کہ مریم نواز شریف کی شریف میڈیکل سٹی ہسپتال میں ایک بڑی سرجری ہوئی ہے، جس کے بعد اب وہ الحمدللہ اپنے گھر منتقل ہو چکی ہیں اور ان کی حالت بہتر ہے۔

وزیراعلی مریم نواز شریف صاحبہ کی شریف میڈیکل سٹی ہسپتال میں سرجری ہوئی ہے جس کے بعد وہ گھر منتقل ہو گئی ہیں، الحمدللہ۔ عید کے دن وزیر اعلی مریم نواز شریف نے ہسپتال سے صوبے میں سکیورٹی، صفائی سمیت دیگر تمام امور کی براہ راست خود نگرانی کی۔

— Marriyum Aurangzeb (@Marriyum_A) May 28, 2026