اسلام آباد: نادرا (نیشنل ڈیٹا بیس رجسٹریشن اتھارٹی) نے ہر جمعہ خواتین کے نام کرنے کا اعلان کر دیا۔
نادرا نے سماجی رابطے کی ویب سائٹ ایکس پر اعلان کرتے ہوئے کہا کہ ملک بھر میں نادرا سینٹرز پر ہر جمعہ خواتین کیلئے ہو گا۔
نادرا نے اس اقدام کو تمام پاکستانی خواتین کے نام کرتے ہوئے انہیں پیغام دیا ہے کہ ، ’آپ ہمارا فخر ہیں‘۔
948ae803e359b33d266b148a8f7e3e0f
نادرا کا کہنا ہے کہ نادرا کا عملہ رجسٹریشن کے عمل کے ہر مرحلے میں آپ کی مدد کے لیے موجود ہے۔ اس جمعہ کو اپنے قریبی رجسٹریشن سنٹر پر جائیں اور ترجیحی بنیاد پر اپنا رجسٹریشن کروائیں۔
واضح رہے کہ دُنیا بھر میں خواتین کا عالمی دن ہر سال 8 مارچ کو منایا جاتا جو صنفی مساوات ، تولیدی حقوق اور خواتین کے خلاف تشدد اور بدسلوکی جیسے مسائل کی جانب توجہ دلاتا ہے۔
