کیلیفورنیا: میٹا کا تھریڈز جلد ہی ایک اپ ڈیٹ کرنے والا ہے جس میں صارفین اپنا انسٹاگرام اکاؤنٹ ڈیلیٹ کیے بغیر تھریڈز اکاؤنٹ ڈیلیٹ کر سکیں گے۔
ایک میٹا ایگزیکٹو نے ایک حالیہ تقریب میں کہا ہے کہ کمپنی تھریڈز کے لیے علیحدہ ڈیلیٹ آپشن جاری کرنے پر کام کر رہی ہے، اور اس سال دسمبر تک اسے رول آؤٹ کر سکتی ہے۔
یاد رہے کہ میٹا کی جانب سےتھریڈز اس سال جولائی میں میٹا نے ایلون مسک کی ملکیت والے مائیکروبلاگنگ پلیٹ فارم، X (سابقہ ٹویٹر) کے حریف کے طور پر متعارف کرائی گئی تھی۔ اس نے کچھ ہی وقت میں مقبولیت حاصل کر لی، لانچ کے پہلے چند گھنٹوں میں 10 ملین سے زیادہ لوگوں نے ایپ کے لیے سائن اپ کیا۔
میٹا کی ملکیت والے تھریڈز کی سب سے بڑی خامیوں میں سے ایک اکاؤنٹ ڈیلیٹ کرنے کی پالیسی تھی۔ کمپنی نے انسٹاگرام کے ساتھ تھریڈز کو لنک کیا ہوا ہے، اور اس کا مطلب یہ تھا کہ تھریڈز اکاؤنٹ کو حذف کرنے کے لیے، صارف کو اپنا انسٹاگرام اکاؤنٹ بھی حذف کرنا پڑے گا۔ تاہم، کمپنی اب اس خرابی پر کام کر رہی ہے۔
ٹیک کرنچ کی رپورٹ کے مطابق میٹا کے چیف پرائیویسی آفیسر (پروڈکٹ) مائیکل پروٹی نے حال ہی میں بتایا کہ کمپنی ایک ایسا فیچر شروع کرنے پر کام کر رہی ہے جس سے صارفین اپنے انسٹاگرام اکاؤنٹ کو متاثر کیے بغیر اپنے تھریڈز اکاؤنٹ کو الگ سے ڈیلیٹ کر سکیں گے۔ توقع ہے کہ یہ خصوصیت اس ہفتے دسمبر تک شروع ہوجائے گی۔
اگرچہ انہوں نے اس بات کا ذکر نہیں کیا کہ آیا یہ فیچر اینڈرائیڈ یا آئی او ایس ایپس تک محدود ہوگا، یا اسے ڈیسک ٹاپ ورژن تک بھی بڑھایا جائے گا،انہوں نے وضاحت کی کہ اس فیچر کو بنانے کا کام انتہائی مشکل ہے۔
