پاکستانی فضائی حدود کی بندش، بھارتی ایئر لائنز کو مالی دباؤ کا سامنا

اسلام آباد: پاکستانی فضائی حدود کی بندش نے بھارتی ایوی ایشن شعبے، خصوصاً ایئر انڈیا، کے لیے مشکلات میں اضافہ کر دیا ہے۔ فضائی راستوں کی پابندی کے باعث بھارتی ایئر لائنز کو طویل روٹس، اضافی ایندھن کے اخراجات اور آپریشنل چیلنجز کا سامنا ہے۔

رپورٹس کے مطابق پاکستان کی فضائی حدود کے استعمال میں رکاوٹ کے باعث بھارتی فضائی کمپنیوں کی پروازوں کے اوقات اور اخراجات متاثر ہوئے ہیں، جس سے ایوی ایشن سیکٹر پر مالی دباؤ بڑھ رہا ہے۔

فضائی راستوں کی بندش کے نتیجے میں طویل فاصلے کی پروازوں کو متبادل راستے اختیار کرنا پڑ رہے ہیں، جس سے وقت اور اخراجات میں اضافہ ہو رہا ہے۔

ماہرین کے مطابق فضائی رابطوں میں رکاوٹ کا اثر صرف ایئر لائنز تک محدود نہیں رہتا بلکہ مسافروں، کرایوں اور مجموعی فضائی تجارت پر بھی پڑ سکتا ہے۔