سعودی عرب: تفریحی پارک میں جھولا حادثے کا شکار، 23 افراد زخمی

سعودی عرب  :سعودی عرب کے شہر طائف میں ایک تفریحی پارک کے جھولے کے حادثے میں کم از کم 23 افراد زخمی ہو گئے، جن میں سے چار کی حالت نازک بتائی جاتی ہے۔ غیر ملکی خبر رساں ادارے اے ایف پی کی جانب سے وائرل ویڈیوز میں دکھایا گیا کہ ’360 ڈگری‘ جھولا اچانک بیچ سے ٹوٹ کر دو حصوں میں بٹ گیا اور کئی میٹر کی بلندی سے نیچے گر گیا۔

السعودیہ کی ملکیتی نیوز چینل العربیہ کے مطابق، حادثے کے بعد طائف کے اس پارک کو بند کر کے فوری تحقیقات کا آغاز کر دیا گیا ہے۔ سعودی عرب اس وقت اپنی تیل پر انحصار کرنے والی معیشت کو متنوع بنانے کے لیے بڑے تفریحی منصوبے شروع کر رہا ہے، جن میں ریاض کے قریب ’قدیہ‘ نامی تفریحی شہر بھی شامل ہے، جہاں تھیم پارکس اور موٹر اسپورٹس ریس ٹریک جیسی سہولیات مہیا کی جا رہی ہیں۔

حکام زخمیوں کو فوری طبی امداد فراہم کر رہے ہیں اور واقعے کی مکمل تحقیقات جاری ہیں۔