کے پی اسمبلی کے 2 حلقوں کا باقاعدہ اعلان کردیا گیا

اسلام آباد : کے پی اسمبلی کے 2 حلقوں کا باقاعدہ اعلان کردیا گیا۔ الیکشن کمیشن کی جانب سے خیبر پختونخوا اسمبلی کے 2 حلقوں کا باقاعدہ اعلان کردیا گیا۔ 

اسلام آباد میں پریس کانفرنس کرتے ہوئے سپیشل سیکرٹری الیکشن کمیشن ظفر اقبال نے کے پی اسمبلی کے 2 حلقوں کا باقاعدہ اعلان کیا۔سپیشل سیکرٹری الیکشن کمیشن نے بتایا کہ پی کے 76 پشاور 5  میں آزاد امیدوار سمیع اللہ خان نے کامیابی حاصل کی جنہوں نے  18 ہزار 888 ووٹ حاصل کیے۔ اے این پی کے خوشدل خان 12ہزار 986 ووٹ لےکر دوسرے نمبر پر رہے۔

اس کے علاوہ پی کے 6 سوات 4 سے  فضل حکیم خان نے 25 ہزار 330 ووٹ لےکر کامیابی حاصل کی جب کہ پی ٹی آئی پارلیمنٹیرینز کے افتخاراحمد 19 ہزار 422 ووٹ لے کر دوسرے  نمبر  پر رہے۔

ان کا کہنا تھا کہ جیسے جیسے الیکشن نتائج موصول ہوں گے میڈیا کو جاری کردیے جائیں گے، انٹرنیٹ مسئلہ ہے جس کے باعث نتائج تاخیر کا شکار ہیں۔