مدینہ منورہ: وزیراعظم پاکستان عمران خان نے روضہ رسولﷺ پر حاضری دے کر نذرانہ عقیدت پیش کیا۔ انہوں نے اس موقع پر امت مسلمہ، کورونا وائرس کی وبا کے خاتمے اور پاکستانیوں کیلئے خصوصی دعائیں کیں۔
خیال رہے کہ وزیراعظم عمران خان ان دنوں سعودی عرب کے دورے پر ہیں۔ اس دورے کی دعوت انھیں سعودی ولی عہد شہزادہ محمد بن سلمان نے دی تھی۔
وزیراعظم عمران خان اپنے اور آپ سب کے محبوب محمد ﷺ کے روضہ پر حاضری اور افطار کی برکتیں سمیٹتے ہوئے۔ آئیں مل کر درود شریف پڑھیں pic.twitter.com/HImaIqhLqI
— Dr. Shahbaz GiLL (@SHABAZGIL) May 8, 2021
دورہ سعودی عرب کے دوران وزیراعظم کے ہمراہ ان کی اہلیہ بشریٰ بی بی، آرمی چیف جنرل قمر جاوید باجوہ اور دیگر وزرا بھی گئے ہیں۔
معاون خصوصی شہباز گل نے سماجی رابطوں کی ویب سائٹ ٹویٹر کے ذریعے وزیراعظم عمران خان کی روزہ رسول ﷺ کے نزدیک بیٹھے تصویر شیئر کی ہے۔
ان تصویروں میں دیکھا جا سکتا ہے کہ وزیراعظم عمران خان کے ہمراہ گورنر خیبرپختونخوا، گورنر سندھ عمران اسماعیل، وزیر داخلہ شیخ رشید احمد اور وزیر خارجہ شاہ محمود قریشی سمیت دیگر وزیر بھی موجود ہیں۔
