اسلام آباد: آج ملک بھر میں موسم خشک اور سرد رہے گا، اور کہیں بھی بارش کا امکان نہیں ہے۔ محکمہ موسمیات کے مطابق، وفاقی دارالحکومت اسلام آباد میں موسم سرد اور خشک رہے گا، جبکہ بلوچستان کے شمالی اضلاع میں سردی کی شدت برقرار رہے گی۔
پنجاب کے اضلاع بہاولپور، ملتان، ڈیرہ غازی خان، اور رحیم یار خان میں بھی موسم سرد رہے گا، اور یہاں دھند کا امکان بھی ہے۔ مری، گلیات اور اس کے گردونواح میں بھی سردی کی شدت برقرار رہے گی۔
سندھ کے بیشتر اضلاع میں موسم خشک رہنے کا امکان ہے، جبکہ خیبر پختونخوا کے بیشتر اضلاع میں بھی موسم سرد اور خشک رہے گا۔ گلگت بلتستان میں بھی شدید سرد اور خشک موسم کی پیشگوئی کی گئی ہے۔ اسی طرح، آزاد کشمیر میں بھی موسم شدید سرد اور خشک رہنے کا امکان ہے۔
