لندن: برطانیہ کے وزیر صحت ساجد جاوید کورونا وائرس سے بچاؤ کی دونوں خوراکیں لگوانے کے باوجود اس وبائی مرض میں مبتلا ہو گئے ہیں۔
میڈیا رپورٹس کے مطابق کورونا وائرس کی علامات ظاہر ہونے کے بعد برطانوی وزیر صحت کا ٹیسٹ کروایا گیا جو مثبت آیا۔ حالانکہ انھیں عالمی وبا سے بچاؤ کی دونوں خوراکیں دی جا چکی ہیں۔
اپنی بیماری سے متعلق بات کرتے ہوئے ساجد جاوید کا کہنا تھا کہ ان میں اس وقت کورونا وائرس کی انتہائی معمولی علامات ہیں۔
This morning I tested positive for Covid. I’m waiting for my PCR result, but thankfully I have had my jabs and symptoms are mild.
— Sajid Javid (@sajidjavid) July 17, 2021
Please make sure you come forward for your vaccine if you haven’t already. pic.twitter.com/NJYMg2VGzT
برطانوی وزیر صحت کا کہنا تھا کہ بظاہر وہ مکمل صحت مند ہیں اور روزمرہ کے فرائض کی انجام دہی کرنے کے قابل ہیں لیکن اس کے باوجود یہ مرض مجھ سے دوسروں کو نہ لگ جائے اس لئے میں نے خود کو آئسولیٹ کر لیا ہے۔
ساجد جاوید نے کہا کہ طبی ماہرین کے مشوروں پر عمل کرتے ہوئے وہ گھر سے ہی اپنی ڈیوٹیاں سرانجام دیں گے اور بطور وزیر صحت اپنا کام جاری رکھیں گے۔
My positive result has now been confirmed by PCR test, so I will continue to isolate and work from home.
— Sajid Javid (@sajidjavid) July 17, 2021
Here’s a handy reminder of which test you may need and when: pic.twitter.com/cX7Ypye3X6
دوسری جانب برطانوی میڈیا کا کہنا ہے کہ وزیر صحت ساجد جاوید نے گزشتہ جمعے وزیراعظم بورس جانسن سے ملاقات بھی کی تھی۔ ڈاکٹروں نے صورتحال کے پیش نظر ان کا معائنہ بھی کیا ہے۔
