حماس نے فلسطینی ریاست کی مغربی ممالک کی جانب سے تسلیم کو فتح قرار دے دیا

غزہ :  حماس نے مغربی ممالک کی جانب سے فلسطینی ریاست کو تسلیم کرنے کو فلسطینی عوام کی ایک بڑی فتح قرار دیا ہے۔ حماس کا کہنا ہے کہ یہ تسلیم فلسطینیوں کے حقِ زمین اور مقدسات کی عالمی توثیق ہے۔

حماس نے عالمی برادری سے مطالبہ کیا ہے کہ القدس کو فلسطینی دارالحکومت تسلیم کیا جائے۔ ساتھ ہی، حماس نے کہا کہ صرف ریاستی تسلیم کافی نہیں، بلکہ غزہ میں جاری جنگ کا فوری خاتمہ اور مغربی کنارے میں یہودی بستیوں کی توسیع کو روکنا ناگزیر ہے۔

مزید برآں، حماس نے عالمی برادری سے درخواست کی ہے کہ وہ اسرائیل سے تمام تعاون بند کرے اور اسرائیلی قیادت کو انسانیت سوز جرائم کی بنا پر انصاف کے کٹہرے میں لایا جائے۔