غزہ : غزہ میں جنگ بندی معاہدے پر عمل درآمد جاری ہے، جس کے تحت اسرائیل نے 600 سے زائد فلسطینی قیدیوں کو رہا کر دیا ہے۔ عرب میڈیا کے مطابق، حماس نے بھی مزید 4 اسرائیلی مغویوں کی نعشیں ریڈ کراس کے حوالے کر دیں، جبکہ فلسطینی قیدی رہائی کے بعد مغربی کنارے کی جانب روانہ ہوگئے۔
روسی وزیر خارجہ سرگئی لاروف نے اس صورتحال پر تبصرہ کرتے ہوئے کہا کہ ڈونلڈ ٹرمپ کا غزہ منصوبہ ایک "ٹائم بم" ہے، اور مشرق وسطیٰ کی سلامتی فلسطینیوں کی آبادکاری سے داؤ پر لگ جائے گی۔ لاروف نے مزید کہا کہ فلسطینی ریاست کے قیام کا مسئلہ اب زیادہ اہمیت اختیار کر چکا ہے۔
انہوں نے اس بات پر بھی تشویش کا اظہار کیا کہ امریکی صدر فلسطینیوں کی 20 لاکھ کی آبادی کو مستقل طور پر ان کی سرزمین سے محروم کرنا چاہتے ہیں، جس کا مشرق وسطیٰ میں دیرپا امن کے قیام پر گہرا اثر پڑے گا۔
