خیبرپختونخوا میں سیکیورٹی فورسز کی کارروائی، 5 بھارتی حمایت یافتہ خوارج ہلاک

پشاور: پاک فوج کے شعبہ تعلقات عامہ (آئی ایس پی آر) نے بتایا ہے کہ خیبرپختونخوا میں سیکیورٹی فورسز کی کارروائیوں کے دوران 5 بھارتی حمایت یافتہ خوارج مارے گئے ہیں۔

آئی ایس پی آر کے مطابق خفیہ اطلاعات کی بنیاد پر پشاور میں خوارج کے ٹھکانوں کو گھیر کر ان سے فائرنگ کے تبادلے میں 4 دہشت گرد ہلاک ہوئے، جن میں خارجی حارث اور  بصیر ہیں۔

اسی طرح شمالی وزیرستان میں بھی سیکیورٹی فورسز نے ایک کارروائی کی جس میں ایک اور دہشت گرد کو ہلاک کیا گیا اور اسلحہ و گولہ بارود برآمد کیا گیا۔

ہلاک شدہ دہشت گرد متعدد حملوں میں ملوث تھے اور ان کی بھارتی حمایت کی تصدیق ہوئی ہے۔صدر مملکت اور وزیراعظم نے اس کامیاب کارروائی پر سیکیورٹی فورسز کو خراج تحسین پیش کیا ہے اور ان کی بہادری کو سراہا ہے۔