کابل : افغان طالبان نے پولیس لائنز پشاور کی مسجد میں ہونے والے دھماکے کی مذمت کرتے کہا ہے کہ ایسے اقدامات اسلامی تعلیمات کے منافی اور حملہ آوروں کا اسلام سے کوئی تعلق نہیں ۔
افغان وزارت خارجہ کی طرف سے جاری بیان میں کہا گیا ہے کہ ہمیں یہ جان کر دکھ ہوا کہ پشاور کی ایک مسجد میں دھماکے سے متعدد افراد کی جانیں گئیں اور بہت سے لوگ زخمی ہوئے۔
امارات اسلامی افغانستان مساجد میں نمازیوں پر حملوں کی مذمت کرتی ہے اور اس طرح کے اقدامات کو مقدس مذہب اسلام کی تعلیمات کے منافی سمجھتی ہے۔
پیام همدردی وزارت امور خارجهٔ امارت اسلامی افغانستان
— Ministry of Foreign Affairs - Afghanistan (@MoFA_Afg) January 30, 2023
در مورد حمله بر مسجد در پشاور pic.twitter.com/Vi52bptDYy
بیان میں مزید کہا گیا ہے کہ اللہ تعالیٰ سے دعا ہے کہ شہدا کو جنت الفردوس عطا فرمائے اور زخمیوں کو جلد صحت یاب کرے۔ ہم متاثرین کے اہل خانہ اور لواحقین سے ہمدردی اور تعزیت کرتے ہیں۔
