ورلڈ کپ کے بڑے ٹاکرے کا کاؤنٹ ڈاؤن شروع

احمد آباد: انٹرنیشنل کرکٹ کونسل (آئی سی سی) مینز کرکٹ ورلڈ کپ  میں  سب سے بڑا ٹاکرا پاک بھارت کا میچ کل کھیلا جائے گا۔

پاکستان بمقابلہ بھارت،  آئی سی سی مینز ون ڈے ورلڈ کپ 2023 کا 12 واں میچ بھارتی شہر احمد آباد کےنریندر مودی اسٹیڈیم احمد آباد میں  مقامی وقت کے مطابق دوپہر ڈیڑھ بجےکھیلا جائے گا۔

قومی ٹیم کی جانب سے عالمی ایونٹ کے اہم میچ کیلئے بھرپور تیاریاں جاری ہیں۔ میچ کی تیاری کیلئے قومی کرکٹ ٹیم نے ٹریننگ سیشن میں بھرپور حصہ لیا۔

Preps for the next one#INDvPAK | #DattKePakistani | #WeHaveWeWill pic.twitter.com/yJvCIqUVIs

— Pakistan Cricket (@TheRealPCB) October 12, 2023

 کھلاڑیوں نے اپنی خامیوں پر قابو پانے کیلئے بیٹنگ، باؤلنگ اور فیلڈنگ کی مشقیں کیں۔

Snapshots from our first practice session in Ahmedabad #INDvPAK | #DattKePakistani | #WeHaveWeWill pic.twitter.com/oavhmDtbEE

— Pakistan Cricket (@TheRealPCB) October 12, 2023

ہائی وولٹیج ٹاکرے  کے روز سخت گرمی اور حبس کی پیش گوئی کی گئی ہے۔   بھارتی میڈیا کے مطابق  ہفتے کے روز موسم گرم اورخشک رہنے کی پیش گوئی کی گئی ہے، ہفتے کو درجہ حرارت 36 ڈگری سینٹی گریڈ تک جانے کا امکان ہے۔

کل کے میچ کے لیے پچ کی صورتحال پر بھارتی میڈیا نے دعویٰ کرتے ہوئے کہا ہے کہ  نریندر مودی اسٹیڈیم احمد آباد کی پچ پر بیٹرز حاوی ہوں گے، نریندر مودی اسٹیڈیم احمد آباد کی پچ پر  حالیہ میچز میں بھی بیٹرز کا غلبہ رہا ہے   اور 14 اکتوبر کے پاک بھارت مقابلے میں  نریندر مودی اسٹیڈیم احمد آباد کی پچ پر بیٹرز حاوی ہوں گے۔

بھارتی میڈیا نے یہ بھی کہا ہے کہ  احمد آباد میں میچ کے آغاز میں فاسٹ بولرز کو اضافی باؤنس اور سوئنگ ملے گی، مڈل اوررز میں اسپنرز کو مدد ملنے کی امید ہے جبکہ مجموعی طور پربیٹرز کو شاٹس کھیلنے میں آسانی ہو گی۔

واضح رہے کہ ورلڈ کپ کا افتتاحی میچ احمد آباد میں کھیلا گیا تھا جہاں بیٹرز نے احمد آباد میں کھل کر رنز بنائے تھے ۔

Ahmedabad's going to get pretty busy #INDvPAK #CWC23 pic.twitter.com/eQCEtLOU0A

— ESPNcricinfo (@ESPNcricinfo) October 13, 2023

ورلڈ کپ 2023 کی کوئی افتتاحی تقریب منعقد نہیں کی گئی تھی لیکن بورڈ آف کنٹرول فار کرکٹ ان انڈیا (BCCI) کی جانب سے پاکستان بھارت ہائی پروفائل مقابلے سے قبل ملک کے چند بہترین موسیقاروں پر مشتمل پری میچ شو کا اہتمام کیا گیا ہے۔  

Kickstarting the much-awaited #INDvPAK clash with a special performance!

Brace yourselves for a mesmerising musical special ft. Arijit Singh at the largest cricket ground in the world- The Narendra Modi Stadium! ️

Join the pre-match show on 14th October starting at 12:30… pic.twitter.com/K6MYer947D

— BCCI (@BCCI) October 12, 2023

ارجیت سنگھ، سکھوندر سنگھ، اور شنکر مہادیون جیسے مشہور ہندوستانی گلوکار میچ سے پہلے کی تقریب میں پرفارم کریں گے۔پاکستان بھارت میچ سے قبل تقریب مقامی وقت کے مطابق دن 12 بجے شروع کی جائے گی جبکہ میچ مقامی وقت کے مطابق دوپہر ڈیڑھ بجے کھیلا جائے گا۔