راولپنڈی : پاک فوج کے سربراہ جنرل قمر جاوید باجوہ نے کوئٹہ میں چرچ پر حملے کی مذمت کرتے ہوئے کہا ہے کہ کوئٹہ میں چرچ پر حملہ مذہبی انتشار پھیلانے کی کوشش ہے۔
ڈی جی آئی ایس پی آئی کی جانب سے ٹوئٹر پر جاری پیغام کے مطابق آرمی چیف نے کہا کہ حملہ مسیحی برادری کی خوشیوں کو تباہ کرنے کیلئے کیا گیا،سکیورٹی فورسز کی بروقت کارروائی قابل ستائش ہے۔
انہوں نے کہا کہ حملہ پاکستانیوں کے درمیان خلیج پیداکرنے کی بزدلانہ کوشش ہے،سکیورٹی فورسز کی جوابی حکمت عملی قابل قدر ہے۔ جنرل قمر جاوید باجوہ کا کہناتھا کہ ہمیں مل کر ان سازشوں کو ناکام بنانا ہو گا، ایسے قابل نفرت اقدامات کیخلاف ہم متحداورثابت قدم ہیں۔
“Quetta church attack targeting our brotherly Christian Pakistanis is an attempt to cloud Christmas celebrations / create religious cleavages. Effective response by LEAs is commendable. We stay united and steadfast to respond against such heinous attempts” COAS.
— Maj Gen Asif Ghafoor (@OfficialDGISPR) December 17, 2017
واضح رہے کہ کوئٹہ کے علاقے زرغون روڈ پر واقع چرچ پر دہشتگردوں کے حملے میں 9 افراد ہلاک اور 45 سے زائد زخمی ہوئے جبکہ 2 خودکش حملہ آور مارے گئے اور دیگر 2 کی تلاش جاری ہے۔