ممبئی: بالی ووڈ کنگ شاہ رخ خان سے ملاقات کی خواہش مند بھارتی خاتون انتقال کر گئیں۔
بھارتی ریاست مدھیا پردیش سے تعلق رکھنے والی ریلوے کی ریٹائرڈ ملازمہ 60 سالہ ’ارونا پی کے‘ گزشتہ 6 سال سے کینسر سے جنگ لڑ رہی تھیں، انہیں ’اوورین اور بلڈ کینسر‘ کا مرض لاحق تھا۔ارونا پی کے نے رواں برس مارچ میں شاہ رخ خان سے ملنے کی خواہش کا اظہار کرتے ہوئے ایک ٹوئیٹ کی تھی۔ارونا نے اپنی ٹوئیٹ میں کنگ خان سے ملاقات کی خواہش کا اظہار کرتے ہوئے لکھا کہ ’شاہ رخ خان کے پیار سے بڑھ کر کسی کا پیار نہیں، اگر میں شاہ رخ خان سے مل لوں گی تو بالکل ٹھیک ہوجاوں گی‘۔
Hey @iamsrk - you are inspiration to zillions, just like you- our beloved @Arunapk57 is fighter-survivor and inspiration to many! Please make #SRKmeetsAruna happen! ???????? let her only wish be true. She brings smile on million faces- you only can bring smile on her face! ???????????????? pic.twitter.com/FPaE6zqwmB
— किताब (@BhumikaShah7) October 19, 2017
کینسر کی مریضہ کی جانب سے ٹوئیٹ کیے جانے کے بعد دیگر لوگوں نے بھی شاہ رخ خان کو خاتون سے ملنے کے لیے کہا، اور کئی لوگوں نے سیکڑوں ٹوئیٹس کیں۔لوگوں نے کینسر کی مریضہ ارونا پی کے کی خواہش کو نظر میں رکھتے ہوئے ٹوئٹر پر SRKmeetsAruna# کے ٹرینڈ کا آغاز کردیا کہ شاید یہ شاہ رخ خان کی نظر سے گزرے۔
تین دن قبل ہی21 اکتوبر کو شاہ رخ خان نے ٹرینڈ کا نوٹس لیتے ہوئے شاہ رخ خان یونیورس کے پیج سے رونا کے لیے نیک خواہشات کا اظہار کیا۔
Heartwarming message from @iamsrk to @Arunapk57
— SRK Universe (@SRKUniverse) October 20, 2017
SRK WINS HEARTS pic.twitter.com/snufolmdny
ویڈیو پیغام میں شاہ رخ خان نے اپنی عمر رسیدہ مداح کی صحت یابی کے لیے دعا کرتے ہوئے ان سے جلد ملنے کی خواہش کا اظہار بھی کیا، اور ساتھ ہی ان کے پورے خاندان کے لیے اپنے اہل خانہ کی جانب سے نیک خواہشات کا اظہار بھی کیا۔تاہم محض تین دن بعد ہی 60 سالہ ارونا پی کے 24 اکتوبر کے دن چل بسیں۔
.@Arunapk57 @akshatkhot @priyankakhot pic.twitter.com/n3HsXqlaqZ
— Shah Rukh Khan (@iamsrk) October 24, 2017
اپنی مداح کے چل بسنے اور ان کی خواہش پوری نہ کرپانے کے بعد شاہ رخ خان نے فوراً ہی ارونا پی کے کے موت پر تعزیت اور افسوس کا اظہار بھی کیا۔شاہ رخ خان نے اپنی ٹوئیٹ میں ان کے اہل خانہ کے لیے نیک خواہشات کا اظہار کرتے ہوئے لکھا، اللہ انہیں دکھ کی اس گھڑی میں ہمت و حوصلہ عطا کرے۔بالی وڈ بادشاہ نے مزید لکھا کہ ’ارونا ہمیشہ اپنی مسکراہٹ کے ذریعے اپنے اہل خانہ کے ساتھ رہیں گی‘۔