لاہور : قومی کرکٹ ٹیم کے فاسٹ بائولر جنید خان نے ورلڈ کپ سکواڈ سے باہر کیے جانے پر سوشل میڈیا پر اپنی ناراضگی کا اظہار دلچسپ انداز میں کر دیا ۔
تفصیلات کے مطابق پاکستان کرکٹ بورڈ نے فاسٹ بائولر جنید خان کو ورلڈ کپ سکواڈ سے باہر کر دیا ہے اور ان کی جگہ فاسٹ بائولر وہاب ریاض اور محمد عامر کو ٹیم میں جگہ دے دی ہے ۔
I dont want to say anything. Truth is bitter. (Sach karwa hotha hai) pic.twitter.com/BsWRzu0Xbh
— Junaid khan 83 (@JunaidkhanREAL) May 20, 2019
فاسٹ بائولر جنید خان نے سوشل میڈیا پر اپنی ناراضگی کا اظہار کرتے ہوئے سماجی رابطے کی ویب سائٹ ٹوئیٹر پر ایک تصویر شیئر کی ہے جس میں وہ اپنے منہ پر ٹیپ لگائے ہوئے ہیں ۔
فاسٹ بائولر نے کیپشن میں لکھا ہے کہ سچ کڑوا ہوتا ہے اس لیے میرے لیے خاموش رہنا ہی مناسب ہوگا ، جنید خان نے اپنے طور پر خاموش احتجاج ریکارڈ کرانے کی کوشش کی ہے کہ ان کی ورلڈ کپ سکواڈ میں جگہ بنتی تھی ۔
