نیو یارک: پاکستان کو ایک بار پھر کامیابی مل گئی۔ امریکا اور اس کے اتحادی ممالک کی مخالفت کے باوجود پاکستان چوتھی بار اقوام متحدہ کی انسانی حقوق کونسل کا رکن منتخب ہو گیا ۔ جنرل اسمبلی کے اجلاس میں 151 ووٹ حاصل کر کے پاکستان چوتھی بار ایشیا بحرالکاہل ریجن سے انسانی حقوق کونسل کا رکن منتخب ہوا۔
Team Pakistan did a great job; am hugely grateful to them as indeed to all the countries which supported us pic.twitter.com/c0dKTH3gYM
— Maleeha Lodhi (@LodhiMaleeha) October 17, 2017
پاکستان کا انتخاب تین سال کے لیے عمل میں آیا ہے پاکستان کے علاوہ افغانستان، نیپال اور قطر بھی منتخب ہوئے۔ اقوام متحدہ میں پاکستان کی مستقل مندوب ملیحہ لودھی کا کہنا ہے کہ یہ پاکستان کے حق میں عالمی برادری کے اعتماد کا ووٹ اور اقوام متحدہ میں پاکستان کے کردار کی توثیق ہے۔
Being congratulated for our election to Human Rights Council this morning in UN General Assembly Picture by UN pic.twitter.com/nvqV4vuguf
— Maleeha Lodhi (@LodhiMaleeha) October 16, 2017
پاکستان کا انتخاب ان لوگوں کے لیے جواب ہے جو دعویٰ کرتے تھے کہ پاکستان دنیا میں تنہا ہو گیا ہے۔ ملیحہ لودھی نے کہا کہ پاکستان انسانی حقوق کونسل کے رکن کے طور پر اپنے قومی مفادات کا تحفظ کرے گا اور مقبوضہ کشمیر میں بھارت کی انسانی حقوق کی خلاف ورزیوں کو بے نقاب کرے گا۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں