اسلام آباد:وزیراعظم شہباز شریف نے 26 مارچ 2025 کو وفاقی کابینہ کے اجلاس میں کہا کہ آئی ایم ایف کے ساتھ سٹاف لیول معاہدہ طے پا گیا ہے اور مخالفین کے دعووں کے برعکس منی بجٹ نہیں آیا۔ انہوں نے کہا کہ حکومت کی انتھک محنت اور ٹیم ورک کی بدولت ملک میں معاشی استحکام آیا ہے اور محصولات میں 26 فیصد کا اضافہ ہوا ہے۔
وزیراعظم نے آئی ایم ایف کے معاہدے میں آرمی چیف کے اہم کردار کا ذکر کیا اور صوبوں کے تعاون کو سراہا، خصوصاً پنجاب کا جس نے زرعی ٹیکس منظور کرایا۔
انہوں نے یہ بھی بتایا کہ رمضان پیکیج میں کرپشن کو ختم کر کے ڈیجیٹل والٹ کا آغاز کیا گیا ہے تاکہ مستحق افراد تک امداد پہنچائی جا سکے۔
